Mediat turke kanë raportuar sërish në lidhje me arratisjen e bosit të kriptomonedhës Faruk Fatih Ozer, i cili ka qëndruar në Shqipëri.
Ata kanë zbuluar emrat e personave që kanë pasur rolin kryesorë në arratisjen e tij, ku një ndër personat kryesorë i quajtur Edevaldo Haxhiu është nipi i presidentit të FSHF-së, Armando Dukës.
Sipas mediave turke: “Në hotelin ku po qëndronte Faruk Özer, u kap shtetasi shqiptar Altjan Canaj (Altyan Canay), një shtetas i Shqipërisë i veshur me një pallto të kuqe dhe të bardhë.
Canaj pranoi se ata e ndihmuan Faruk Fatih Özer me personin e quajtur Edevaldo Haxhiu, i cili kishte pjesën kryesore në arratisje.
Në deklaratën e tij, Canaj tha se ai e kuptonte që Faruk Özer ishte fajtor pas lajmeve në shtyp. Ai tha se ata e pritën themeluesin e arratisur të Thodex Ozer në aeroport me kërkesë të një shoku të tij të njohur dhe e çuan në hotel.
Canaj tha se kur mësoi nga shtypi se Özer ishte kishte kryer një mashtrim të madh, ai u takua përsëri me Edevaldo Haxhiu.
Ai deklaroi se kishte ikur nga policia për 15 ditë dhe ishte fshehur për shkak të frikës së tij. Sipas informacionit të marrë nga burimet e policisë, Faruk Fatih Özer është fshehur me menaxherin e një kompanie furnizuese të produkteve ushqimore në Shqipëri”. (TemA)
https://m.haber7.com/guncel/haber/3098338-thodexin-kurucusu-ozere-yardim-eden-kisi-yakalandi
