Meriton Mjekiqi ka bërë me dije se nuk do të jetë më pjesë e emisionit “Gjoni’s Black”.
Lajmi se do të largohet nga moderimi i programit ka qarkulluar prej disa ditësh, por vetë Meritoni mohoi zërat duke thënë në një intervistë se asgjë nuk është e vërtetë.
Por vetëm së fundmi është mësuar se Gjoni’s Black dhe Meritoni nuk do të bashkëpunojnë më me njëri-tjetrin. Lajmi është konfirmuar përmes rrjeteve sociale nga “Gjoni Black” duke thënë se rrugët mes tyre janë ndarë në mënyrë paqësore.
“Ju urojmë të gjitha të mirat ata që ishin pjesë e jona, respekte! Një respekt i veçantë shkon për ekipin edhe mundësinë e secilit që kontribuoi për realizimin e këtij emisioni”, thuhej në njoftimin e “Gjoni Black”, raporton panoramaplus.
Moderatori ka shpërndarë postimin duke falenderuar të gjithë për mbështetjen e dhënë.
“Faleminderit shumë dhe ju që ishit pjesë e këtij rrugëtimi të përbashkët… ju uroj shumë suksese. Faleminderit shumë”, ka shkruar moderatori.
Kujtojmë që Meritoni është përfshirë kohët e fundit në një debat me Noizy-n dhe grupin OTR. Pjesëmarrja e Big Kik dhe Escobars në emision, diss-et dhe deklaratat e tyre ndezën shkëndijat që në sherr të përfshihej dhe Meritoni. Nuk dihet nëse shkak i largimit të tij është bërë pikërisht kjo ngjarje dhe mbetet për t’u konfirmuar nga ana e tij.
