Një lajm i trishtë raportohet mëngjesin e sotëm, ku për shkak të covid-19 ka ndërruar jetë një prej shefave më me emër të kulinarisë shqiptare Përparim Babalija. Nuk kanë munguar edhe postimet në rrjete sociale nga kolegët e tij, të cilët njëkohësisht vejnë në pah edhe virtyet që i ndjeri ka pasur në profesionin e ushtruar në vite.
“Lajm tronditës për të gjithë ne në HIB Petrol dhe Emerald Hotel. Njeriu i mirë, kuzhinieri i papërsëritshëm dhe kolegu më i dashur, Përparim Babalija nuk është më në mesin tonë.
Përparimi do të jetë gjithmonë në zemrat dhe mendjet e secilit prej nesh. Në këto ditë të vështira ne do të qëndrojmë afër familjes Babalija, ndërsa i shprehim ngushëllimet tona të gjithë atyre që patën fatin ta njohin kolegun tonë të dashur, të çmueshmin Përparim. Prehu në paqe mjeshtër”, thuhet në një reagim të HIP Petrol.
Ndërsa një tjetër koleg i tij shqiptar shkruan “Nuk mund të besoj lajmit që mora sot o miku im!
Lexo edhe:
Perparim Babalija ,Nuk di çfarë me fol e si me e mbajt këtë dhimbje! Nuk ta ndalonte askush buzëqeshjen aq sa na beje si vetja dhe ne! Do mbetet I paharruar kujtimi jot me kontributin qe ke dhene ne kuzhine!!Qofsh i Xhenenit miku im”.
Përpara se të vdiste nga Covid-19 ai përmes një postimi në llogarinë e tij personale ne “Facebook”, kishte kërkuar që të vaksinohet populli e t’i lënë anash ‘lojërat’ politike.
Përparim Babalija, ka lindur në qytetin e Gjakovës, në Kosovë. Sië ka treguar nëpër intervista frymëzimi I tij ka qenë gjyshi Isa dhe babai Valdeti.
Ai u kualifikua më pas në Francë dhe Poloni dhe solli në Shqipëri e Kosovë eksperiencën evropiane, duke kombinuar ushqimin evropian me atë tradicional të Kosovës.
Dy vite më parë ai ishte pjesmarrës në organizimin “Shije shqiptare” që u bë në Tiranë e më pas edhe në Kosovë, ku shefat më në zë të Kuzhinës shqiptare gatuan pjatat tradicionale të trevave nga ata vijnë.
