Florenc Hoxha ish kreu i policisë bashkiake në kohën kur kryetari i PD Lulzim Basha ka qenë kryetar Bashkie, po hetohet në gjendje të lirë lidhur me incidentin e ndodhur mbrëmë në Vaqarr ku së bashku me simpatizantë të PD kanë ndaluar shpërndarjen e iftarit te besimtarët myslimanë që agjërojnë, me pretendimin se këto ushqime po jepeshin në këmbim të votës.
Kryeministri Rama e quan këtë ngjarje një çmenduri të padëgjuar.
“Ndalimi i dhunshëm i disa iftareve mbrëmë nga paramilitarët e “mbrojtjes së votës” është një çmenduri e padëgjuar!Thirrja ime është qetësi, qetësi, qetësi, durim, durim, durim, besim, besim, besim! E diela do të shënojë fundin e mallkimit të së shkuarës mbi rrugën e shqiptarëve”, shkruan Rama.
