Lëvizja Socialiste për Integrim vijon të pësojë rënie në qarqet kryesore. “Top Channel” dhe kompania “IPSOS” kanë realizuar sondazhin e radhës dje për qytetet e Shkodrës dhe Vlorës. Në qytetin verior Partia Demokratike rritet ndjeshëm krahasuar me vitin 2017, Partia Socialiste humbet një mandat, po ashtu dhe LSI. Ndërsa rritje të ndjeshme ka Partia Social Demokrate e Tom Doshit. Ndërkohe duket qartë që një pjesë e votuesve në LSI kanë shkuar tek PSD e Tom Doshit. Sipas sondazhit, nëse zgjedhjet do të mbaheshin këtë të diel, aleanca e PD-AN do të fitonte zgjedhjet me 56.9% në qarkun e Shkodrës, ndërsa 29.4% e qytetarëve do të votonin për PS. Ndërsa LSI bie në 2.1 për qind.
Një rritje e përkrahësve vihet re edhe në partinë Social Demokrate, e cila drejtohet nga Tom Doshi. Sa i takon mandateve, PD dhe aleatët do të marrin 7 mandate, PS do të bjerë në 3 mandate, ndërsa PSD do marr një mandat sipas sondazhit. Nëse bëhet një krahasim me zgjedhjet e vitit 2017, kur PD mori vetëm 5 mandate, vihet re se në zgjedhjet e ardhshme, 1 mandat i PS dhe i LSI do t’i kalojnë opozitës për të arritur në 7 mandate. Ndërsa për qytetin e Vlorës Partia Socialiste do të fitojë zgjedhjet me 8 mandate.
Partia Demokratike duket se është rritur ndjeshëm në krahasim me vitin 2017, ndryshe nga LSI e cila ka pësuar rënie dhe rezulton me zero mandate. Nëse zgjedhjet do të mbaheshin këtë të diel PS triumfon zgjedhjet me 60.1%, ndërsa 32.2% e qytetarëve do të votonin PD. Për LSI do të votonin 4.0% e qytetarëve. Rezulton që PS triumfon me 8 mandate, ndërsa PD me 4 mandate ku shohim një rritje të përkrahësve. Ndërsa LSI rezulton me zero mandate. Nëse bëhet një krahasim me zgjedhjet e vitit 2017, PS nuk ka asnjë ndryshim, ndërsa PD i shtohet një mandat që i hiqet LSI. Kujtojmë se LSI ka pasur zëra për përçarje mes Luan Ramës që është i pari në listë dhe vetë drejtuesve të partisë.
Lexo edhe:
Ndërsa rezultati i sondazhit tregon se Edi Rama, i cili renditet i teti në listën e PS do të marrë mandat. Nuk kanë përplasjet dhe reagimet e ashpra të Metës, i cili tregonte se pse beteja politike do të jetë e përqenduar në qytetin e Vlorës, ku sipas tij ka pasur një provokim të rëndë për vjedhjen e zgjedhjeve nga Edi Rama dhe Damian Gjiknuri. Nga data 8 deri më 12 prill, janë intervistuar 1004 votues në qarkun e Vlorës dhe 1003 votues në qarkun e Shkodrës, ndërsa 90% e intervistave janë bërë përmes telefonit dhe 10% përmes panelit online të IPSOS.
