Komisioni Qendror i Zgjedhjeve ka publikuar të dhënat më të fundit mbi pjesëmarrjen në zgjedhjet parlamentare të 11 majit. Deri në orën 14:00, qarku i Vlorës rezulton me përqindjen më të ulët të votuesve në rang vendi, ku vetëm 21.39% e qytetarëve me të drejtë vote kanë marrë pjesë në votim.
Brenda këtij qarku, bashkia Finiq shënon shifrën më të ulët, me vetëm 12.32% të votuesve që kanë ushtruar të drejtën e tyre.
Si një faktor që mund të ketë ndikuar në këtë pjesëmarrje të ulët përmendet edhe zhvillimi i etapës së tretë të “Giro d’Italia”, e cila ka kaluar përmes Vlorës duke bllokuar disa prej rrugëve kryesore në qytetin bregdetar.
