Robert Francis Prevost, 69 vjeç është Papa i ri i Vatikanit. Prevost është amerikani i parë që zgjidhet si udhëheqësi shpirtëror i besimtarëve katolik. Robert Francis Prevost do të mbajë emrin Papa Leone XIV.
Ai u zgjodh me votat e kardinalëve në raundin e katërt të votimit. Robert Francis Prevost u gradua kardinal nga Papa Françesku.
Prevost do të pasojë Papa Françeskun në krye të Selisë së Shenjtë, pasi Papa humbi jetën në 21 Prill të këtij viti.
133 kardinalëve që kishin të drejtën e zgjedhjes nuk u është lejuar komunikimi me botën e jashtme gjatë kësaj kohe.
Ditën e sotme u kryen edhe dy votime të tjera të cilat dështuan në zgjedhjen e Papës së ri.
Për zgjedhjen e Papës, janë kërkuar të paktën 2/3 e votave. Në rastin konkret janë nevojitur 89 vota për të zgjedhur Papën, pasi numri i kardinalëve zgjedhës është 133.
Vendimi për zgjedhjen e Papës është pritur me brohoritje dhe festime midis turmave të mbledhura në Vatikan.
