Më 18 dhjetor, Lulzim Basha ka thirrur kuvendin e PD-së, duke e cilësuar si legjitim dhe jo atë që ka thirrur Berisha më 11 dhjetor. Kështu mësohet se kryedemokrati ka hedhur në tryezën në diskutimeve në kryesi pikat e mbledhje së Kuvendit të PD-së ku parashikohen dhe votimet dhe aksioni për zgjedhje e reja të parakohshme.
Por ajo që shoqëron propozimin me tre pika të Bashës është urdhri për të vendosur disiplinë në PD, pasi në të kundërt kjo nënkupton dhe përjashtimin e rebelëve.
“Çdo veprim apo akt tjetër, në çdo formë apo mënyrë, që bie ndesh me këtë vendim të Kryesisë së Partisë, do të përbënte dëmtim të interesave elektorale dhe politike të Partisë Demokratike”- thuhet në pikën 3 të vendimit të propozuar nga kryetari i PD.
Lexo edhe:
Por shpallja e Kuvendit të PD-së më 18 dhjetor ka shkaktuar një reagim të fortë te kundërshtarët e tij. Mësohet se ish-kryeministri Sali Berisha ka shpallur mbajtjen e një konference urgjente për median në ora 19:00.
Tre pikat e Kuvendit te 18 dhjetorit
“I. Vendimmarrje mbi situatën politike, si dhe marrjen e masave për të mbrojtur interesin e Partisë Demokratike, duke mos lejuar që problemet apo interesat personale të secilit anëtar të dëmtojnë interesat elektorale dhe politike të PD, dhe axhendën e saj politike në përballjen me regjimin e Edi Ramës.
II. Miratimin e Aksionit Politik për të ardhmen e Partisë Demokratike dhe shpalljen e Platformës Qytetare për Demokraci, për rikthimin e legjitimitetit dhe demokracisë në vend, si dhe ndërtimin e mekanizimit të bashkëpunimit me të gjitha forcat e shoqërisë në përballjen me regjimin e Edi Ramës, i cili në aleancë me krimin e organizuar dhe korrupsionin ka shkatërruar çdo mjet të funksionimit demokratik të shtetit shqiptar dhe po nxit braktisjen masive të vendit nga qytetarët dhe kryesisht të rinjtë.
III. Miratimin e programit organizativ të Partisë Demokratike për të përgatitur strukturën e partisë për zgjedhjet e ardhshme, sipas objektivit “Partia Demokratike, partia e demokratëve dhe çdo shqiptari të ndershëm – Forca e vetme politike që do të sjellë ndryshimin në Shqipëri” .
