Në Afrikën veriore dhe Mesdhe kemi masa ajrore ciklonike të cilat në këto çaste janë duke marrë formë dhe duke u fuqizuar. Në anën tjetër nga verilindja e Kontientit kemi depërtimin e vazhdueshëm të masave ajrore të ftohta polare të cilat janë prezente qe disa ditë, por ditëve të ardhshme me fuqizim të mëtejshëm dhe me lagështi të madhe ciklonike nga Mesdheu do të kushtëzojnë edhe reshje të dendura bore e shiu.
E diela vonë dhe natën pritet të jenë me reshjet më të fuqishme në Shqipëri dhe Kosovë, në viset mesdhetare shi dhe shtrëngata me bubullima, ndërsa në viset kontinentale me borë sidomos në Kosovë. Nga e hëna dhe e marta vazhdojnë të depërtojnë masa edhe më të ftohta ajrore sepse në ato ditë do të gjendemi në sektorin e ftohtë të ciklonit. Pas reshjeve të dobëres pritet edhe acar, por kjo do të varet shumë nga vranësirat gjatë natës.
Nëse gjatë netëve të javës së ardhshme nuk do të ketë kthjellim atëherë acari mund të jetë më i lehtë dhe më pak i dëmshëm e nëse ndodh e kundërta atëherë acari mund të shkaktojë dëme në kulturat e hershme bujqësore. Të shpresojmë që moti mos të kthjellohet menjëherë pas reshjeve të dëborës.
