8 Janari për analistin Mustafa Nanon tregoi se Sali Berisha ka marrë fund dhe se ky është fundi i tij ku po vdes politikisht.
Sipas Nanos, arrestimi i Berishës nëse do të ndodh, do vijë nga vullneti i institucioneve shqiptare
“Unë e kam parë ambasadoren që ndonjëherë ka kaluar dhe vijën e kuqe diplomatike kërcet shumë dhe nuk i takon, kështu që duke pritur gjëra të tilla nga ambasadorja ne thjeshtë i inkurajomë më shumë për të luajtur një rol më të madh se kaq, por kjo nuk i lejohet asaj. Arrestimi i Berishës nëse do të ndodh do vijë nga vullneti i institucioneve shqiptare. Nëse ambasadorja do ishte më protagoniste do krijonte idenë në publik se është e investuar në mënyrë të tepruar. Ka lloj lloj akuzash mendojnë se fajin e ka Amerika pse zgjoi gjarprin nga gjumi dhe nuk merren me gjarprin. Berisha për mua ka marrë fund ky është fundi i tij dhe po përpëlitet se nuk ka mbështetës. Ai është njeri që po vdes politikisht vetë dhe është e kotë për të harxhuar kohë me të dhe është e kotë të merremi me të më gjatë, edhe pse ne gazetarët aktualisht po merremi me të duke i dhënë protagonizëm”, tha Mustafa Nano për MCN Tv.
