Dy artistët të cilët ruajnë një miqësi të mirë prej vitesh do të sjellin një projekt të përbashkët.
Capital T dhe Ledri kanë punuar vetë për këngën, ndërsa tekstin e ka shkruar secili pjesën e tij. Kënga do të vizualizohet edhe me klip, xhirimet e të cilit do të fillojnë së shpejti.
Moderatoja Xhesi Muçaj ka zbuluar ditën e sotme një tjetër detaj nga ky projekt që po pritet me padurim nga ndjekësit. Ajo do të jetë figurante në klipin e dy reperëve të njohur, që do të jetë shumë shpejt në të gjitha radiot dhe kafenetë.
“Pjesë e një bashkëpunimi në të cilin u bëra pjesë, me kënaqësinë më të madhe. Falenderime të veçanta i shkojnë stafit, të cilët me përkushtimin dhe profesionalizmin e tyre e bënë punën më të thjeshtë.
Suksese çunave @truekapo & @ledrivula që me këtë këngë do të na zbukuroni padyshim verën e këtij viti.
U kënaqa pafund me ju në xhirime.
Nesër, shihemi në DMP, ora 17:00”, shkruan Xhesi krah fotos.
Dy reperët në fjalë kanë treguar nëpër intervistat e tyre ndër vite se kanë një miqësi të mirë mes tyre, teksa të pyetur për bashkëpunim gjithnjë janë shprehur se do ta realizonin “kur të vinte koha”, dhe koha mesa duke ka ardhur.
