Kryetarja e LSI-së Monika Kryemadhi komentoi mbrëmjen e djeshme djegien e mandateve në vitin 2017, një vendim për të cilin publikisht është kritikuar gjithmonë nga bashkëshorti i saj, Presidenti Ilir Meta.
Në studion e “Opinion” u transmetua video kur Presidenti Meta tregoi se Kryemadhi e kishte gënjyer për djegien e mandateve, ndërkohë që kjo e fundit e pranoi se kishte gabuar, pasi tha se Meta ka të drejtë të ulërasë për atë veprim.
Sipas saj, ajo dhe presidenti nuk kanë për ta falur njëri-tjetrin deri në vdekje, madje do ta vazhdojnë këtë diskutim edhe në botën tjetër.
Lexo edhe:
Kryemadhi: Kam qenë vetëm unë që kam dashur të djeg mandatin. Kur kam dalë nga zyra e Bashës i kam thënë që do e djeg vetëm unë, jo grupi parlamentar. Kur kam dalë i kam thënë Metës, “Ilir po të njoftoj se jemi në këtë proces. Jam takuar me Klajdën në Bllok, erdhi edhe zoti Vasili dhe kemi diskutuar. Këta më thanë “do e djegim dhe ne”, por unë i thashë jo. Kur bëmë mbledhjen e grupit parlamentar, këta ishin të gjithë në unanimitet për të djegur mandatin.
Zoti Meta ka të drejtë të ulërasë. Nuk kemi për ta falur njëri-tjetrin deri në vdekje, edhe në botën tjetër do ta vazhdojmë të njëjtin debat.
