Horror në Kavajë/ Burri djeg gruan në makinë për shkak të xhelozisë dhe vetëvaret në pemë

Një ngjarje tepër e rëndë është shënuar mesditën e sotme në fshatin Manskuri të Kavajës, ku është gjetur plotësisht i djegur një automjet.

Brenda makinës është gjetur dhe një kufomë, e cila dyshohet se i përket shtetases Fëllënxa Shirja.

Dyshohet se bashkëshorti ka djegur për së gjalli gruan e tij per shkak te xhelozise dhe pas këtij akti makabër 48-vjeçari, shtetasi Bilbil Shirja, është vetëvarur në një pemë.

Lexo edhe:

“Ishte e lumtur atë ditë” – Kushërira e Xhuana Nikollajt ngre pikëpyetje për vetëvrasjen e 25-vjeçares: Kush e shkroi letrën? Ajo s’do ja bëntë kurrë të atit këtë

Vritet xhaxhai i ish banores së Big Brother VIP Kosova, si ndodhi ngjarja

Euro dhe dollari prekin fundin, me sa shiten e blihen monedhat e huaja

Sot Dita e Verës/ Rrugët që janë bllokuar në Tiranë dhe Elbasan, deri kur zgjasin kufizimet

Grupi hetimor ndodhen në vendngjarje dhe po hetohet për sqarimin dhe zbardhjen e plotë të rrethanave të ngjarjes.

Njoftimi i policisë:

Kavajë/Informacion paraprak

Më datë 10.04.2021, rreth orës 11:45, në fshatin Manskuri, Kavajë, është gjetur i djegur plotësisht një mjet.

Brenda mjetit është gjetur një kufomë e djegur, e cila dyshohet se i përket shtetases me iniciale F. Sh., 45 vjeçe.

Nga kontrolli i zonës përreth është gjetur i vetëvarur në një pemë bashkëshorti i saj, shtetasi B. Sh., 48 vjeç.

Grupi hetimor ndodhet në vendngjarje dhe nën drejtimin e Prokurorisë po punon për sqarimin dhe zbulimin e rrethanave te ngjarjes.