Kur fillon të të dhemb fyti, hunda fillon të të rrjedhë dhe kthimi në shtrat duket më joshëse se kurrë, atëherë mund të kesh… diçka.
Por çfarë? Dallimi midis ftohjes dhe gripit mund të jetë i vështirë, pasi të dy sëmundjet kanë simptoma të ngjashme, por janë gjithashtu mjaft të ndryshme nga njëra-tjetra.
Cilat janë ndryshimet midis të ftohtit dhe gripit?
Lexo edhe:
Të dyja janë infeksione të frymëmarrjes, që do të thotë se ato prekin mushkëritë dhe organet përgjegjëse për frymëmarrjen.
Sidoqoftë, gripi shkaktohet vetëm nga virusi i gripit, ndërsa ftohja e zakonshme mund të shkaktohet nga mbi 200 viruse të ndryshëm, duke përfshirë rinoviruset, enteroviruset dhe (çuditërisht) koronaviruset, njëri prej të cilëve shkakton edhe COVID-19.
Si mund ta dalloj nëse kam një të ftohtë apo grip?
Një ftohje zakonisht fillon ngadalë, ndërsa gripi është më i papritur dhe mund t’ju godasë fort që në fillim. Me një të ftohtë, temperatura juaj mund të rritet pak, por zakonisht nuk i kalon 38°C.
Simptomat më të zakonshme të ftohjes përfshijnë kongjestion nazal, dhimbje të fytit dhe teshtitje, të cilat në përgjithësi janë më të lehta se simptomat e gripit.
Me grip, ju mund të zgjoheni në mëngjes me ethe, të përziera, të dridhura dhe dhimbje muskujsh. (Nëse kolliteni dhe prodhoni gëlbazë, kjo është e zakonshme si për ftohjet ashtu edhe për gripin dhe nuk do të thotë domosdoshmërisht një infeksion bakterial).
Lajmi i mirë është se megjithëse gripi mund të ketë simptoma më të rënda, ai zakonisht zgjat jo më shumë se një javë, ndërsa ftohja mund të zgjasë diku nga 10 deri në 14 ditë.
