Këngëtari Labinot Tahiri ka bërë të ditur se më 10 gusht do t’i dorëzojë 5 mijë euro djalit të këngëtarit të ndjerë Shpat Kasapi, Roelit.
Përmes një postimi në rrjetet sociale, Tahiri ka treguar se kjo ndihmë vjen si pjesë e një premtimi që ai ka bërë dhe se synimi i tij nuk përfundon me këtë shumë.
Sipas tij, në një moment të dytë do të sigurojë edhe një mbështetje tjetër financiare për Roelin, me qëllim që t’i shërbejë atij në të ardhmen dhe të lehtësojë vështirësitë e familjes së Shpat Kasapit.
Lexo edhe:
Tahiri ka bërë të ditur se nga shuma prej 5 mijë eurosh, 600 euro janë dhuruar nga familja e Denisit nga Gllogjani, të cilët ia dhanë gjatë një dasme më 29 korrik.
“Nuk e bëj për lavdi, por sepse fjala e dhënë duhet të mbahet”, ka shkruar këngëtari, duke shtuar se çdo fëmijë meriton mundësi më të mira në jetë.
Ai ka lidhur këtë veprim me rëndësinë e mbajtjes së fjalës së dhënë dhe ndihmës ndaj atyre që kanë nevojë.
