Këto ditë janë shumë të rëndësishme për botën e modës. “Milano Fashion Week” ka startuar të martën dhe do të mbarojë me 28 Shkurt. Deri të Hënën do të mbahen 169 evente, 67 sfilata dhe 69 prezantime. Kryeqyteti i modës do të rikthejë sërish shtëpitë e modës si Versace të premten, Dolce & Gabbana, Gucci etj.
Gjithashtu dhe stilistja e famshme, Elisabeta Franchi do të prezantojë koleksionin vjeshtë-dimër. Franchi ka njoftuar një projekt gjigant, pjesë e të cilit do të jenë disa personazhe të njohur. Ajo ka zbuluar se do të jetë dhe prezantuesja shqiptare Marina Vjollca, e cila është prej kohësh imazh i brandit italian në Shqipëri.
Mesa duket Marina do të parakalojë në një prej sfilatat më të rëndësishme të Javës së Modës në Milano.
