Prej një kohe të gjatë larg syrit të publikut, Flori Mumajesi po rikthehet me disa sinjale që lënë vend për interpretime. Më herët, ai publikoi një story në Instagram, ku mbi sfondin e këngës “Pa jetë” shkruante: “Tani, në jetë”, një mesazh që u pa si shenjë e një rigjallërimi artistik.
Së fundmi, kantautori ka ndarë një tjetër postim në Instastory, këtë herë në errësirë totale, duke publikuar një audio ku dëgjohet një zë i ngjashëm me ate te Elvana Gjatës.
“A do ta heqësh qafe atë njeri apo e do… në jetën tënde, thuaj të drejtën tani”, dëgjohet të thotë ajo.
Lexo edhe:
Menjëherë pas saj, Flori përgjigjet me vargje nga kënga e tij “Pa jetë”: “S’e di… Si mund të t’dojë dikush ty nuk e di, kur ti e hedh në plehra atë dashuri”.
Nuk dihet ende nëse bëhet fjalë për një projekt të ri muzikor apo thjesht një reflektim personal. Në media prej kohësh është përfolur për rikthimin e Florit, ndaj mbetet për t’u parë nëse ai dhe Elvana do të sjellin sërish bashkëpunime si dikur, apo kjo histori i përket së shkuarës.
