Bora Zemani ka kujtuar mbrëmjen e sotme hyrjen e saj të bujshme në shtëpinë e ‘Big Brother VIP” në tetor të vitit të kaluar. Asokohe ajo u bë pjesë e saj për të takuar mikeshën e ngushtë Semi Jaupaj, por përfundoi duke u takuar me Donald Veshajn nga i cili ishte ndarë prej 6 muajsh.
Dyshja shkëmbyen edhe një puthje në buzë që u mor si një ribashkim i tyre, por më pas Donaldi krijoi një romancë të shkurtër me Beatrix Ramosajn. E pavarësisht të gjithave, Bora duket se nuk është penduar për asgjë. Të paktën kështu na ka lënë të kuptojmë me veprimin e saj të fundit duke shpërndarë një video nga takimi i saj me Semin.
Bora ka shpërndarë në Instastory një video nga një faqe fansash që ka përmbledhur disa nga momentet e tyre më të bukura ku pjesa më e madhe e videos mbizotërohet nga takimi në shtëpinë e famshme.
