Beatrix Ramosaj është banorja e fundit që ka lënë përfundimisht shtëpinë e “Big Brother VIP”. Largimi i saj nga shtëpia më e famshme në Shqipëri ishte paksa i bujshëm, kjo për shkak të përballjes së këngëtares së njohur me realitetin jashtë, të cilës ajo i druhej gjatë gjithë rrugëtimit.
Beatrix ende nuk ka reaguar pas daljes nga BB VIP, madje nuk ishte as e pranishme në emisionin “Fan Club BB VIP”.
Ndërkohë mamaja e artistes, Antigone Ramosaj postoi një video të vajzës së saj me Donaldin. Ky duket si një mesazh që ajo e mbështet shumë vajzën e saj, si gjithmonë, po sigurisht edhe dashurinë që ajo krijoi aty brenda.
Ajo ka publikuar gjithashtu një video në llogarinë e saj të “Instagram”, në të cilën ka takuar vajzën e saj në ambientet e Top Channel, menjëherë pas eliminimit. Beatrix është me lot në sy, ndërkohë që i dhuron të ëmës një përqafim të gjatë.
