Një përgjigje e Olta Gixharit gjatë një “Ask” në Instagram ka mjaftuar që në rrjet të nisin aludimet për një vazhdim të filmit “Në kuadër të dashurisë”.
Një ndjekës e pyeti aktoren: “Tani që u dobësove, a do e bësh filmin e dytë ‘Në kuadër të dashurisë’?”, ndërsa Olta iu përgjigj me humor: “Hahaha po ok.”
Nuk dihet nëse përgjigjja e saj ishte thjesht një shaka apo një sinjal për një projekt të ri. Megjithatë, disa media e interpretuan atë si një shenjë se filmi mund të ketë një vazhdim, tre vite pasi projekti me Luiz Ejllin u komentua gjerësisht dhe pati sukses në kinematë shqiptare.
Lexo edhe:
Jehona që mori kjo përgjigje duket se e ka bërë edhe vetë Oltën të tërhiqet, pasi më vonë ajo e fshiu komentin nga Instagrami.
Për momentin nuk ka asnjë konfirmim zyrtar për realizimin e një pjese të dytë të filmit, ndaj mbetet për t’u parë nëse kjo ishte thjesht një batutë apo një paralajmërim për një rikthim në ekran.
