Cristiano Ronaldo dhe Georgina Rodríguez u martuan në një ceremoni tepër private, të zhvilluar në vilën e tyre luksoze pranë Lisbonës. Mediat portugeze kanë publikuar certifikatën e martesës dhe kanë zbuluar detaje të reja të ceremonisë, nga privatësia e zgjedhur nga çifti deri te njerëzit që ishin të pranishëm.
Sa i përket dokumentit të publikuar, konfirmohet gjithashtu se Ronaldo dhe Georgina zgjodhën një marrëveshje paramartesore. Një kontratë e bërë para martesës që u nënshkrua më 10 gusht, një ditë para ceremonisë, në zyrën e një noteri në Lisbonë. Sipas kësaj kontrate, secili person ruan pasuritë që kishte para martesës dhe çdo pasuri që fiton më pas. Nëse ata blejnë diçka së bashku, ajo pasuri mund t’u përkasë të dyve.
Por, çifti ka menduar edhe në rast të një divorci të mundshëm. Të paktën, siç shkruan spanjollja “Marka”, Georgina do të përfitonte një pagesë mujore prej 100 mijë eurosh si garanci financiare për fëmijët.
Lexo edhe:
Gjithashtu pretendohet se rezidenca luksoze e Ronaldos, me vlerë 6 milionë euro, në zonën prestigjioze “La Finka” të Madridit, është e regjistruar në emër të saj. Ata tashmë janë rikthyer në Arabinë Saudite, ku Ronaldo vijon karrierën e tij me Al Nasr dhe me një look të ri.
