Finalja e madhe e “Ferma VIP 3” pritet të jetë një mbrëmje e mbushur me emocione, surpriza dhe momente të veçanta për publikun, përveç shpalljes së fituesit të këtij edicioni.
Një nga surprizat kryesore lidhet me moderatoren Arbana Osmani, e cila këtë herë do të shfaqet në një rol ndryshe nga ai që jemi mësuar ta shohim në ekran.
Lajmi është konfirmuar nga regjisori Eduart Grishaj gjatë një interviste në Vizion Plus, ku ai ka zbuluar se në hapje të spektaklit do të ketë një performancë të veçantë nga Arbana Osmani.
Lexo edhe:
Sipas tij, moderatorja do të ngjitet në skenë dhe do të këndojë, duke sjellë një hapje ndryshe për natën finale të formatit.
Detajet e performancës nuk janë bërë ende publike, por vetëm fakti që Arbana do të jetë pjesë e skenës në një rol artistik ka ngjallur menjëherë kureshtje te ndjekësit e emisionit.
Grishaj ka theksuar gjithashtu se kjo është vetëm një nga surprizat e përgatitura për finalen, e cila pritet të sjellë edhe të ftuar specialë dhe momente të papritura gjatë transmetimit.
Mbetet për t’u parë se si do të pritet performanca e Arbanës dhe çfarë surprizash të tjera do të sjellë produksioni në natën më të rëndësishme të këtij edicioni të “Ferma VIP 3”.
