Vetëvrasja e Xhuana Nikollajt një javë më parë, ka tronditur oponionin publik në vendin tonë, pasi dyshohet se 25-vjeçarja i dha fund jetës pasi u dhunua nga ish-bashkëshorti i saj, Eraldo Fizi.
Familjarët e Nikollajt kanë hedhur akuza ndaj Eraldo Fizit se e dhunonte vazhdimisht 25-vjeçaren dhe se kjo ishte arsyeja e divorcit mes tyre.
Po ashtu, ata kanë akuzuar edhe ish-vjehjrrën e Xhuanës se e ka dhunuar disa herë të renë në kohën kur jetonte me të.
Lexo edhe:
Në lidhje me këto akuza ka reaguar edhe ish-vjehrra e Xhuanës. Nëna e Eraldo Fizit, ka refuzuar që të komentojë rastin, teksa deklaron se diçka të tillë, e bën në respekt të të ndjerës.
“Më vjen keq por nuk mund të flas dot. Nuk mund të flas dot se dua të respektoj të ndjerën që është atje ku nuk duhet të ishte”, tha ajo për News24.
Kujtojmë që pas ngjarjes së rëndë, Eraldo Fizi vijon te jetë në arrati pasi është shpallur në kërkim nga policia pas kallëzimit që bënë familjarët e Xhuana Nikollajt në Komisariatin nr.2 në Tiranë.
