Gjykata e Posaçme kalon për gjykim dosjen në themel për Monika Kryemadhin, Ilir Metën, Fatime Kryemadhi, Pirro Xhixho dhe Ema Çoku.
Brenda afatit ligjor, gjykata duhet të hedhë shortin elektronik të përcaktojë treshen e gjyqtarëve që do marri në shqyrtim këtë çështje në themel.
Ndërkohë, gjyqtarja Irena Gjoka ka rrëzuar të gjitha kërkesat e të pandehurve për pavlefshmëri dhe papërdorshmëri të provave.
Lexo edhe:
Mbrojtja kishte kërkuar pushimin e çështjes ose në alternativë rikthimin e saj për hetim të mëtejshëm.
SPAK mbylli hetimet për dosjen Meta-Kryemadhi më 28 korrik të vitit të kaluar dhe në fund të gushtit e dërgoi çështjen në gjykatë. Dosja përfshin tre hetime, çështjen CEZ-DIA, lobimin e LSI në Shtetet e Bashkuara të Amerikës dhe hetimin pasuror.
Nga pesë të pandehurit, i vetmi që ndodhet në burg është Ilir Meta, i arrestuar në tetor të vitit 2024. Të gjitha kërkesat e tij për ndryshim të masës së sigurisë janë rrëzuar, përfshirë edhe një kërkesë të shqyrtuar së fundmi nga Gjykata e Lartë.
