Është konfirmuar se Ajola Xoxa dhe kryebashkiaku i Tiranës, Erion Veliaj, janë në pritje të një fëmije. Lajmi u bë i ditur gjatë seancës gjyqësore ku po shqyrtohet dosja ndaj Veliajt dhe disa të pandehurve të tjerë.
Avokati i Ajola Xoxës, Maksim Haxhija, njoftoi në gjykatë se ajo nuk mund të ishte e pranishme në seancë për arsye shëndetësore, duke sqaruar se mungesa lidhet me shtatzëninë.
“Sipas rekomandimit të mjekut, për shkak të shtatzënisë, ajo nuk mund të paraqitet në gjykatë. I kam kërkuar gjithashtu që të më vërë në dispozicion aktet”, deklaroi ai.
Lexo edhe:
Ndërkohë, në seancën e parë nuk ishte i pranishëm as kryebashkiaku i Tiranës, Erion Veliaj. Ai kishte njoftuar gjykatën përmes një shkrese ku theksonte se nuk kishte pasur seancë paraprake.
