Publikimi i projektit më të ri muzikor të Bes Kallaku ka nxitur reagime të shumta në rrjetet sociale, ku ndjekësit e kanë lidhur këngën me një dedikim të mundshëm për ish-bashkëshorten e tij, Xhensila Myrtezaj.
Pas komenteve dhe aludimeve, Bes Kallaku ka reaguar publikisht përmes një postimi, ku shprehet se ky projekt është një rrëfim personal dhe më i sinqertë se kurrë, duke theksuar se në këtë krijim artistik ka qenë “vetëm ai dhe e vërteta e tij”, pa maska dhe pa skenar. Artisti nënvizon se projekti nuk ka si qëllim të jetë një mesazh i drejtpërdrejtë për një person të caktuar, por një reflektim mbi rrugëtimin e tij personal dhe emocional.
Në reagimin e tij, ai falënderon publikun për mbështetjen ndër vite, duke e cilësuar dashurinë e ndjekësve si më të vlefshme se çdo duartrokitje. Po ashtu, Bes Kallaku shpreh mirënjohje për familjen dhe njerëzit që kanë qëndruar pranë tij në periudhat më të vështira të jetës, duke nënvizuar se sot ndihet më i fortë dhe më i qartë me veten.
Lexo edhe:
Reagimi i plotë i Bes Kallakut:
“Falenderit nga zemra.
Ky projekt është projekti më i bukur i imi. Është projekti ku nuk jam unë aktori që njihni ju dhe aq më pak këngëtari…
Për vite me radhë, në skenë kam jetuar shumë role, por në këtë projekt kam qenë vetëm unë. Pa maska. Pa skenar.
Vetëm unë dhe e vërteta ime.
Në një botë ku shpesh gjykohet shpejt dhe harrohet po aq shpejt, ju zgjodhët të qëndroni. Të dëgjoni. Të më besoni.
Dhe kjo për mua vlen më shumë se çdo duartrokitje. Nëse pas kaq shumë vitesh ju ende më jepni kaq shumë dashuri,
atëherë besoj se paskam bërë vërtetë të mira në këtë jetë.
Unë prej kohësh e kam mbyllur kapitullin me të shkuarën time, kapitull nga i cili më desh kohë të kuptoja sa i fituar dola.
Por akoma më i fituar jam sot me ju, që edhe në kohët e mia më të vështira, ishit gjithmonë aty…
E meqë jemi tek kush qëndroi, falënderoj pafund motrën time @ana_kallaku, e cila është bekimi më i madh i jetës sime, që në ditët e mia gri, u bë dielli im…
E për ta mbyllur, dua të falënderoj njeriun e zemrës sime, trëndafilin tim në kohë lufte, që më ktheu paqen, buzëqeshjen, shkëlqimin e syve të mi
dhe mbi të gjitha versionin më të mirë të vetes sime…
Bes Kallaku”
