Në skenën e CCIT Awards 2025, mbrëmjes gala më prestigjioze të sipërmarrjes shqiptare, Ylli Ujka, përfaqësues i Philipp Plein në Shqipëri, përcolli një mesazh të qartë: Shqipëria nuk është më treg periferik, por destinacion serioz për markat globale dhe investimet elitare.
Duke përshëndetur Presidentin e Republikës, Bajram Begaj, përfaqësuesit e qeverisë, trupin diplomatik dhe komunitetin e biznesit, Ujka theksoi se suksesi nuk vjen rastësisht, por ndërtohet mbi vizion, standarde të panegociueshme dhe partneritete të forta institucionale.
“I nderuar President i Republikës, z.Bajram Begaj, të nderuar ministra, miq ambasadorë, kryetarë të trevave shqiptarë, kryetarë të bashkive, në veçanti kryetarin e Bashkisë Lezhë, mirënjohës pëe punën dhe klimën miqësore me biznesin, gjithë familjen e madhe të biznesit me në krye Nikolin Jaka, që bëjnë këto aktivitete të jashtëzakonshme dhe na mbledhin çdo vit. Bashkë me Çeskun jemi krenarë që kemi sjellë markën Philipp Plein në Shqipëri dhe shumë brande të tjera ndërkombëtare që po i bashkohen projekteve tona duke i certifikuar si investimet më të garantuara në rajon”, theksoi Ujka.
Lexo edhe:
Ylli Ujka është i njohur si një nga biznesmenët më të suksesshëm ne Shqipëri ne dy vitet e fundit dhe ka arritur të fitojë respekt për menaxhimin efikas të bizneseve që ka në vende të ndryshme të Europës. Biznesi i tij ka luajtur një rol të rëndësishëm në zhvillimin e ekonomisë shqiptare, duke bërë që me projektin e tij në bashkëpunimin me markën e stilistit me famë botërore Philipp Plein.
Ai, së bashku me partnerin e tij, Cesk Ivanaj, kane ndërtuar një karrierë të suksesshme ndërkombëtare, duke themeluar dhe menaxhuar disa kompani në vende të ndryshme. Aktualisht, përmes kompanisë X-One po planifikojnë edhe një investim strategjik në zonën e Ranës së Hedhun në Shëngjin. Ylli Ujka u shpall biznesmeni i vitit 2024 për shembullin e sipërmarrjes së suksesshme shqiptare, ndërsa në vitin 2022, Ujka u nderua me çmimin e brandit më të mirë ndërkombëtar gjatë ceremonisë “CCIT Awards”, një vlerësim që pasqyron suksesin dhe ndikimin e tij në biznesin ndërkombëtar. Ai ka investuar në sportin e basketbollit në Shqipëri, ku është presidentit i ekipit Besëlidhja, ekip të cilin e ka shpallur kampion të vendit.
