Ndaj drejtoreshës së Agjencisë Kombëtare të Shoqërisë së Informacionit (AKSHI), Mirlinda Karçanaj, SPAK ka kërkuar masë sigurie “arrest shtëpie” pas hetimeve për abuzimeve me tenderat e zhvilluar në këtë institucion.
Sipas raportimeve, Prokuroria e Posaçme është duke hetuar për 12 procedura tenderuese, në vlera të konsiderueshme që lidhen me mirëmbajtjen e serverave të institucioneve të rëndësishme. Po ashtu, Gjykata e Posaçme ka firmosur urdhërarrest për dy biznesmenët me iniciale E.A. dhe E.B.
Hetimet për këtë çështje kanë nisur një vit më parë dhe prokuror i çështjes është Bledar Maksuti. Gjatë ditëve të fundit, hetuesit kanë thirrur dhe marrë në pyetjeve 25 zyrtarë të AKSHI-t, që janë kryesisht anëtarë të Komisionit të Vlerësimit të Ofertave dhe anëtarë të Komisionit të Shqyrtimit të Ankesave.
Lexo edhe:
BKH te Kodra e Diellit
Agjentët e Byrosë Kombëtare të Hetimit zbarkuan mëngjesin e së martës në zonën e Kodrës së Dielit në Tiranë, në një operacion që burime nga Prokuroria e Posaçme pohojnë se është në zhvillim e sipër.
Kontrollet janë ushtruar në kuadër të një hetimi që SPAK ka nisur prej më shumë se një viti nën dyshimet e abuzimit me tenderat në Agjencinë Kombëtare të Shoqërisë së Informacionit.
