Me afrimin e muajit Dhjetor, kur do të nisë edhe Big Brother Vip Albania, kanë nisur të zbulohen edhe emrat e parë që po përfliten se do të jenë konkurrentë në edicionin e pestë të këtij reality show.
Një prej tyre është Sabina Mete, moderatore sportive në Radio Televizionin Shqiptar. Lajmi bëhet me dije nga burime ekskluzive në Vip Magazine.
Po ashtu nga sa kemi mësuar, një tjetër emër i lidhur me RTSH, potencial për të qenë konkurrent në BBVA është Ardit Murataj.
Lexo edhe:
Ai ka qenë moderator në disa emisione showbizz-i më herët, ndërsa së fundmi drejtonte së bashku me Krisa Çaushin emisionin e mëngjesit në RTSH.
Kjo nuk është hera e parë që televizioni i vetëm publik në Shqipëri prodhon konkurrentë për këtë reality show.
Vitin e kaluar mes konkurrentëve bashkë me Krisa Çaushi, ishin edhe Gerta Gixhari dhe Valbona Mhilli të treja më herët pjesë e RTSH-së.
Mesa duket ndryshimi i vazhdueshëm i drejtuesve vitet e fundit ka shkaktuar pasiguri në radhët e punonjësve të këtij televizioni, të cilët e shohin Big Brother si trampolinë për më shumë oferta nga tregu mediatik.
