Ayla Rutherford ka treguar historinë e saj të dhimbshme për të këshilluar prindërit e tjerë që të heqin qafe nga shtëpia të gjitha pineskat sepse djali i saj gjeti vdekjen nga ky objekt. Në kohën e incidentit nëna ishte duke bërë dush dhe dëgjon direkt të bërtiturat e bashkëshortit 29-vjeçar.
Josh po përpiqej t’i hiqte djalit të vogël Axel objektin që kishte gëlltitur, por ishte e pamundur. Axel humbi ndjenjat, u bë blu në fytyrë dhe u dërgua menjëherë në spitalin e fëmijëve Mary Bridge në Tacoma.
Mjekët zbuluan se Axel nuk ishte mbytur, por kishte gëlltitur një pineskë gjë që gjendet rëndom në shtëpitë e çdokujt dhe i kishte shpuar mushkërinë e majtë, duke i bllokuar kështu frymëmarrjen.
Ai qëndroi i shtruar në spital një javë ku përjetoi 4 vdekje klinike dhe më pas ndërroi jetë një krahët e prindërve, duke lënë familjen në agonizëm.
Ayla dhe Josh tani po paralajmërojnë të tjerët të hedhin pineskë që kanë në shtëpinë e tyre për të parandaluar që fëmijët e tyre të pësojnë të njëjtin fat tragjik.
Në përpjekje për të parandaluar një rast tjetër tragjik Ayla e cila jeton në Graham, Uashington, tha: Ky ishte një aksident fatal. Ajo që dua të bëj është që të parandaloj të tjetër të kalojnë atë që po kaloj unë. Është shumë normale që pineskat të gjenden në çdo shtëpi pasi ato shërbejnë për të varur postera në mur, korniza, drita Krishtlindjesh, kalendarë etj, por ato duhet të zhduken menjëherë nga shtëpia. Fëmija i vogël mund t’i marrë, t’i fusë në gojë, t’i gëlltisë dhe t’i shpohen mushkëritë.
