Këshilli Drejtuesi i RTSH ka vendosur ditën e sotme që të anulojë votimin e pak ditëve më parë, ku skualifikoi nga gara për Drejtor të Radio Televizionit Shqiptar, disa kandidatë që i kishin plotësuar kriteret.
Burime për Vip Magazine bëjnë me dije se pas reagimeve të shumta lidhur me procedurën që kishte ndjekur Këshilli Drejtues, ditën e sotme u vendos që të anulohet votimi i parë dhe tashmë do të ketë një votim të dytë, ku me gjasë në garë për Drejtor të RTSH-së do përfshihen edhe kandidatë që ishin skualifikuar edhe pse plotësonin të gjitha kriteret.
Ky vendim vjen pak orë, pasi Komisioni i Medias paralajmëroi se do të marrë masa ekstreme deri në shkarkimin e Këshillit Drejtues, nëse gara nuk do ti kthehet legjitimitetit.
/Vip-magazine.al/
