Arbana Osmani do të rikthehet në ekran në sezonin e ri televiziv.
Lajmin e ka konfirmuar vetë ajo në një prononcim për “RTV Dukagjini” në Kosovë gjatë hapjes së restorantit të saj të ri në Prishtinë.
Ajo tha se do të rikthehet me patjetër në sezonin e ri televiziv, duke mos përjashtuar mundësinë që të vijë në një format Big Brother.
Lexo edhe:
“Patjetër. Mund të jetë Big Brother, mund të mos jetë Big Brother. Kjo nuk ka shumë rëndësi. E rëndësishme është që unë do rikthehem në ekran, aty ku shikuesit më duan”, ka deklaruar ajo.
Pak muaj më parë Vip Magazine raportoi se Arbana ishte në negociata për të marrë drejtimin e Big Brother Vip Kosova në rolin e produksionit.
Deri tani asgjë nuk është zyrtarizuar, megjithatë të gjithë treguesit janë se Arbana do të vijë në shtator me një program në ekranet e Kosovës, ku duket se do të “ngulë” akoma më shumë rrënjë pas hapjes së restorantit më të madh të saj në Prishtinë.
