Ka reaguar policia e Kukësit në lidhje me sherrin që ndodhi mbrëmjen e djeshme në fshatin Bushat ku dy kushërinjt Bedri dhe Nebi Sinamati, të cilët kanë bërë denoncim për Lavdrim Gjicin vëllanë e kryebashkiakut të Kukësit Safet Gjici, se i ka kërcënuar me armë.
Në një reagim policia thotë pasi Bedri Sinamati i ka telefonuar autoritetet të cilat kanë shkuar menjëherë në vendngjarje.
Blutë bëjnë me dije se ky shtetas ishte përshirë në një konflikt për motive të dobëta, në rrugë, me 3 shtetas të tjerë.
“Në vijim të veprimeve, shërbimet e Policisë kanë shoqëruar në Komisariat, shtetasit e përfshirë në konflikt: Bedri Sinamati, Naim Sinamati, Lavdrim Gjici dhe Q. H”- njofton policia.
Gjithashtu, është shoqëruar në Komisariat, automjeti tip “Mercedes Benz”, me të cilin qarkullonin Lavdrim Gjici dhe shoqëruesi i tij.
Policia njofton se në atomjetin e këtyre të fundit nuk është gjetur asnjë send i kundërligjshëm.
Në përfundim të veprimeve procedurale, të katërt shtetasit e shoqëruar u lanë të lirë.
