Endrit Sinaj është shqiptari që u vra pak ditë më parë në Spanjë. I riu është identifikuar ditën e sotme nga autoritetet vendase.
Sipas mediave, ai është lënë pa shenja jete në derë të spitalit në Girona të Spanjës pasi ishte qëlluar me thikë në bark.
Sinaj kishte qenë i arrestuar në tetor të vitit 2020 në qytetin e Vlorës pasi akuzohej për tentativë grabitje.
Lexo edhe:
Mediat shkruajnë se ai është transportuar me një automjet nga një person që e ka lënë atë në hyrje të urgjencës dhe më pas është larguar.
29-vjeçari ishte liruar me kusht pak ditë para se të vritej. Ai kishte qenë i arrestuar në kuadër të një operacioni të finalizuar në Marbella, Spanjë kundër trafikut të drogës.
Dyshohet se autori i vrasjes së ndodhur në datë 23 Prill është një tjetër person nga Shqipëria, identiteti i të cilit nuk duhet ende.
Në Shqipëri ai kishte qenë pjesë e një grup prej 5 personash të arrestuar në tetor të vitit 2020 në qytetin e Vlorës. Sinaj dhe pjesëtarët e tjerë të grupit kishin hyrë një një banesë të veshur me kapuç, të armatosur dhe duke u shtirur si policë.
