Itali- Dënohet me burgim të Përjetshëm shqiptari në Itali.
Paulin Meçaj, 32-vjeçari shqiptar i cili një vit më parë i mori jetën ish-bankierit italian Giovanni Caramuscio, është dënuar ditë ne sotme me burgim të përjetshëm.
Të njëjtin dënim ka marrë dhe bashkëpunëtori i Meçajt, Andrea Capone, nën akuzë për vrasje me dashje, grabitje me pasoja të rëndë dhe armëmbajtje pa leje.
Ngjarja e rëndë ndodhi teksa viktima ishte duke tërhequr para nga një bankomat në qytetin e Leçes, Itali, në sy të gruas së ish-bankierit 69-vjeçar. Shqiptari dhe bashkëpunëtori i tij tentuan t’i vidhnin paratë 69-vjeçarit por pasi hasën në rezistencë, e qëlluan atë me armë duke i marrë jetën.
Të dy autorët e krimit të rëndë gjatë procesit gjyqësor, fillimisht me një letër dhe më pas verbalisht në sallën e gjyqit, i kanë kërkuar falje familjes së viktimës.
