Hey ja ku jemi përsëri me lajme të reja dhe të bukura. Këtë radhë do të flasim për Big Brother Albania 2 që pritet të nisë së shpejti në Top-Channel.
Puna për këtë reality show ka nisur, ashtu si dhe puna jonë për t’ju treguar se cilët do të jenë personazhet që do të bëhen pjesë e këtij Big Brother 2.
Ju kemi zbuluar pak ditë më parë emrin e moderatores, Kiara Tito dhe të blogeres Jori Delli por sot kemi gati emrin e një djali.
Burime për Kryefjala.com bëjnë me dije se një nga meshkujt e parë që po përflitet është, Albi Nako.Koreografi i mirënjohur thuhet se do të jetë një nga personazhet publikë që pritet ti bashkohet shtëpisë më të famshme të shqiptarëve.
Vitet e fundit Albi ka qenë pjesë e programeve të baletit në rolin e anëtarit të jurisë (në “Just Dance” në Top-Channel), por edhe si autor i programit të baletit “T’ka mami yll”.
Këtë herë do të kemi mundësi ta njohim më shumë koreografin e nëpërmjet Big Brother, pasi siç e dini Albi njihet dhe për batutat dhe ironitë e tij, kështu që do të jetë një personazh i fortë i këtij formati.
Albi Nako ka bërë më herë xhiron e rrjetit përsa i përket showbizzit pas dy historive të tij të dashurisë të cilat nuk kanë pasur fund të lumtur, me bukuroshet e njohura Alba Hoxha dhe Klaudia Pepa, ku me të fundit shkuan së bashku edhe drejt altarit të martesës.
