Këngëtari i njohur shqiptar, Arkimed Lusha i njohur edhe me emrin e tij artistik Stresi, ka reaguar mbi ngjarjen, e cila ka tronditur mbarë publikun shqiptar dhe jo vetëm.
Nuk kanë qenë të paktë artistët të cilët kanë reaguar për infermieren e cila keqtrajtoi dhe dhunoi të moshuarën në një azil në Kosovë.
Stresi përveç fajit që i ka hedhur infermieres, ai dënon edhe faktin se fëmijët e kanë braktisur nënën e tyre duke e lënë në azil.
“E dënojmë shpirtërisht atë gjest në Pejë dhe le të marrë dënimin maksimal në bazë të Ligjit të Republikës së Kosovës, edhe unë kam nënë dhe nuk ka gjë më të shtrenjtë se nëna, por keni parasysh diçka.
Nëse e do prindin kurrë mos e braktis duroje siç të ka duruar ajo dhe një prind nuk e meriton të braktiset por ta duash e ta respektosh deri në fund të jetës, unë në këtë parim jam rritur besoj dhe shumica e shqiptarëve kështu që fajin më të madh e ka ajo vajza që përdori dhunë dhe si falet, por faj ka edhe fëmija që e braktis nënën e vet”, përfundoi reperi.
