Sot po mbahet dita e katërt e gjyqit mes ish çiftit, Johnny Depp dhe Amber Heard. Depp ka paditur ish bashkëshorten e tij për shpifje, duke kërkuar 50 milionë dollarë për një artikull që shkroi për Washington Post në vitin 2018, ku fliste për abuzimin në familje.
Një ndër doktorët që trajtoi çiftin gjatë martesës së tyre, David Kipper, ka dëshmuar në gjykatë. Ai ka kujtuar se kishte gjetur gishtin e prerë të Depp-it pas zënkës me ish gruan e tij. Aktori tha se nuk e dinte se si Depp ishte plagosur kur trajtoi gishtin e prerë të aktorit në 2015.
Depp më parë tha se Heard hodhi një shishe të madhe qelqi vodka ndaj tij dhe se shishja kishte goditur më pas gishtin e tij duke prerë majën e gishtit. Ai tha asokohe se kishte kryer tre operacione duke shtuar: “Kisha frikë se mos humbisja gishtin, krahun dhe jetën time”
Actress Amber Heard wasn’t happy about a prenup, Johnny Depp’s nurse testifies
Kipper tha se e pa Heard në të njëjtën ditë dhe nuk vuri re asnjë shenjë abuzimi. Ai tha se Heard kurrë nuk kërkoi ndihmë mjekësore prej tij për abuzim të supozuar. Ajo kërkoi kujdes mjekësor në dhjetor 2015 për një dhimbje koke. Mjekët kryen një ekzaminim fizik por nuk dokumentuan ndonjë lëndim.
Ish-infermierja e Depp-it, Debbie Lloyd, ka dëshmuar gjithashtu në gjykatë. Ajo tha se nuk e kishte parë kurrë aktorin që të abuzonte me ish gruan e tij ose të hidhte ndonjë gjë ndaj saj. Ajo tha se kishte parë një veprim të tillë, do ta kishte shkruar në shënimet e saj zyrtare.
Johnny Depp Amber dëgjoi gjyqin
Infermierja tha gjithashtu se kurrë nuk kishte dëgjuar që Heard të thoshte se donte të vriste veten. Kjo pretendohet në disa mesazhe të shkëmbyera mes Whitney Heard (motra e Heard) dhe Erin Boerum (infermierja e Heard). Por ish infermierja e Depp thotë se nuk ka parë dhunë mes çiftit në asnjë moment.
