Nuk duhet t’i lini pas dore, 6 shenja që tregojnë se keni probleme me zorrët

Është veçanërisht e rëndësishme të njihen simptomat e para të problemeve të mundshme të zorrëve. Ekspertët thonë se rreth 70% e sistemit imunitar ndodhet në zorrët, kështu që mjafton për të kuptuar rëndësinë e tyre. Shumë faktorë ndikojnë në zorrë, si gjenetika por rëndësi të madhe kanë edhe disa faktorë të jashtëm që ne mund t’i kontrollojmë.

Ndryshimet e padëshiruara të peshës

Nëse keni shtuar ose humbur peshë pa bërë ndonjë ndryshim të rëndësishëm në dietën tuaj ose aktivitetin fizik, kjo mund të jetë një shenjë e shëndetit të dobët të zorrëve. Problemet në zorrë mund të kufizojnë përthithjen e lëndëve ushqyese dhe rregullimin e niveleve të sheqerit në gjak.

Lexo edhe:

Alarmi i ekspertëve: Cigaret elektronike tek të rinjtë trefishon gjasat për t’u bërë duhanpirës

Ecja apo vrapi, ja cili aktivitet është më i mirë për shëndetin

Zgjedhja e gabuar e këpucëve dëmton gjithë trupin, rreziqet që nuk i mendoni

Nga shëndeti i zemrës te përmirësimi i kujtesës, ja disa nga arsyet pse duhet të konsumoni avokado

Humbja e peshës mund të jetë për shkak të shumëzimit të baktereve të caktuara në zorrën e hollë, dhe shtimi në peshë mund të jetë për shkak të rezistencës ndaj insulinës, ose oreksi juaj mund të rritet për shkak të reduktimit të përthithjes së lëndëve ushqyese.

Probleme me stomakun

Ndoshta shenja më e dukshme e zorrëve jo të shëndetshme janë problemet me stomakun. Nëse keni shumë gazra, fryrje, kapsllëk, diarre apo urth, e gjithë kjo mund të tregojë probleme me zorrët që nuk e përballojnë dot mirë ushqimin dhe eliminojnë “mbeturinat”.

Probleme me gjumin ose lodhje e vazhdueshme

Kur zorrët nuk janë të shëndetshme, mund të shkaktojnë edhe probleme me gjumin si pagjumësia ose të çojë në lodhje kronike. Arsyeja për këtë është se shumica e hormonit të gjumit, serotonin, prodhohet në zorrë.

Intoleranca ushqimore

Intoleranca ushqimore mund të jetë shenjë e baktereve të këqija në zorrë. Kjo mund të çojë në probleme me tretjen e disa ushqimeve, por edhe në fryrje, diarre dhe gazra.

Kushtet autoimune

Hulumtimet e reja kanë treguar se gjendja e zorrëve ndikon drejtpërdrejt në sistemin imunitar. Ekspertët thonë se zorrët e pashëndetshme rrisin inflamacionin sistemik, i cili ndikon në funksionimin e sistemit imunitar dhe pasojat mund të jenë sëmundjet autoimune.

Irritime të lëkurës

Ndryshimet dhe acarimet e lëkurës, të tilla si ekzema, mund të lidhen me shëndetin e dobët të zorrëve. Arsyeja për këtë është se sasi të caktuara të ushqimit “rrjedhin” nga zorrët, gjë që shkakton acarim.

Si të përmirësoni shëndetin e zorrëve?

Ka disa gjëra që mund të bëni për të përmirësuar shëndetin e zorrëve: flini mjaftueshëm, përpiquni të reduktoni stresin ndaj të cilit jeni të ekspozuar, pini mjaftueshëm ujë, hani më ngadalë, kontrolloni për intolerancën ushqimore, merrni prebiotikë ose probiotikë dhe ndryshoni dietën tuaj.