Këtë të shtunë, Ukraina është gdhirë në ditën e tretë të pushtimit të saj nga Rusia. “The Guardian” raporton se në Kiev ka pasur edhe gjatë natës luftime mes forcave ruse dhe ukrainase.
Gjithashtu mediat e huaja kanë publikuar edhe imazhe të një Kievi të shkatërruar gjatë natës.
Një përmbledhje mbi ngjarjet alarmante në kryeqytetin e Ukrainës gjatë natës që lamë pas:
Lexo edhe:
Luftimet e ashpra kanë shpërthyer në Kiev ndërsa forcat ruse u përpoqën të përparojnë drejt qendrës së qytetit dhe u ndeshën me rezistencën e ushtrisë ukrainase.
Gjatë gjithë natës të së premtes, shpërthimet kanë tronditur kryeqytetin.
Të shtënat e artilerisë mund të dëgjoheshin në rrugë dhe kur zbardhi agimi, një postim në faqen e Forcave të Armatosura thuhej se “luftë aktive” po zhvillohej në qytet.
Ushtria ukrainase pretendoni se ka zmbrapsur gjate nates një sulm nga forcat ruse në një bazë ushtarake të vendosur në një rrugë kryesore në kryeqytetin ukrainas.
Rusët “sulmuan një nga njësitë ushtarake në Avenue Victory në Kiev. Sulmi u zmbraps”, tha ushtria në faqen e saj të verifikuar në “Facebook”, pa specifikuar se ku ndodhi incidenti.
Për ketë nuk kishte asnjë koment nga ushtria ruse.
