Ditën e djeshme, Beatrix Ramosaj i habiti të gjithë me disa postime që bëri në rrjetet sociale, duke iu drejtuar ashpër opinionistes së “Big Brother VIP”, Balina Bodinaku.
Këngëtarja e njohur publikoi në “Instastory” një bisedë të Balinës me një person tjetër, ku aludonte se Trixa ishte nisur me pushime së bashku me të dashurin.
Më pas, Ramosaj e paralajmëron atë që të jetë hera e fundit që hamendëson për të, përndryshe do të ndiqte rrugë ligjore. Gjithashtu këngëtarja shkroi se “nuk ia ulte vlerat dot Balina”.
Lexo edhe:
Por nuk dihet se çfarë ka ndodhur, pasi Trixa këto postime i ka fshirë. Ndoshta kjo ndodhi pas reagimit të Bodinakut në rrjetet sociale.
Por edhe mëngjesin e sotëm, opinionistja e ftuar në studion e “Wake Up” u shpreh se “kjo është një situatë që nuk do donte të fliste”.
“Mënyra se si u servir është shumë larg të vërtetës. Nuk di se dikush mund të përfitojë nga kjo situatë se nuk ka. Nuk dua ti fry një zjarri e ti jap rëndësi një gjëje që nuk ka rëndësi. Trixa duhet ta shpjegojë vetë se çfarë ka. Edhe komunikimi që ka dalë nuk është as i saktë. Nuk kam pasur asnjë komunikim me të”, tha shkurt Bodinaku.
