Dorian Ramaliu është një nga moderatorët më energjikë dhe plot humor, të cilin jemi mësuar ta ndjekim në ekranin e Top Channel duke drejtuar së bashku me kolegun e tij, Devis Mukën emisionin ‘Fiks Fare’.
Ramaliu ka qenë mjaft i rezervuar për jetën e tij private dhe lidhjet e dashurisë. Gjatë një interviste vitin e shkuar ai u shpreh me shaka se kishte hapur audicionet për nuse, ndërsa Descript.al ka zbuluar edhe bukuroshen që i ka vjedhur zemrën.
Miq dhe të afërm kanë zbuluar për se Doriani dhe partnerja e tij, Iva ndodhen bashkë prej më tepër se një viti dhe janë shumë të lumtur krah njëri tjetrit. Në pamjet romantike të çiftit të siguruar nga njerëz të afërm, të dy shfaqen mjaft në formë teksa kanë vizituar shumë vende të Shqipërisë këtë sezon.
“Një jetë me ty”, është përshkrimi që partnerët kanë vendosur në njërën prej fotografive shumë të ëmbla, ku Doriani dhe Iva janë përqafuar me njëri tjetrin.
Moderatori dhe aktori ka treguar se krahas suksesit në punë i përkushtohet dhe partneres së tij, pasi për datëlindjen e Ivës ai është kujdesur ta surprizojë atë në mënyrën më të veçantë.
Doriani dhe Iva duken shumë të lumtur dhe të dashuruar, ndërkohë që janë padiskutim një ndër çiftet më të bukura në showbizzin shqiptar.
