Shtëpia e “Big Brother VIP Albania” është padyshim shtëpia më e përfolur dhe e diskutuar e momentit. Shikueshmëria ka kaluar pritshmëritë e saj, duke i mbajtur të gjithë shqiptarët të ngulur para ekranit për të pritur ndodhitë e ardhshme.
Kjo famë e padiskutueshme e show-t është reflektuar edhe në rrjetin social “Instagram”.
Banorët e shtëpisë, edhe pse tashmë e kanë patur statusin “VIP”, kanë pësuar një ngritje marramendëse të numrit të ndjekësve të tyre në llogarinë e “Instagram”.
Lexo edhe:
Emisioni i të dielës “Fun Club Big Brother VIP”, ka bërë me dije se kush janë pesë nga banorët e shtëpisë, që kanë patur ndryshimet më të mëdha të shifrave të followers-ave, duke publikuar numrin e ndjekësve para, dhe pas hyrjes së tyre në garë.
Në vendin e 5-të ndodhet Beatrix Ramosaj, e cila ka shtuar 44 mijë ndjekës në llogarinë e saj. Këngëtarja ka patur 520 mijë të tillë, të cilët janë shndërruar shumë shpejt në 564k.
Vendi i katërt i përket Einxhel Shkira. Gazetarja, që nga fillimi i programit numëronte 110.000 ndjekës për t’u kthyer në 150 mijë.
Në vendin e tretë ndodhet Sarah Berisha. Nga 78.000, ajo tashmë numëron 135 mijë.
Në vend të dytë, kemi DJ PM, i cili vlen të thuhet se vetëm momentin e daljes është rritur me 24 mijë folloëers dhe gjithsej në total ka arritur shifrën e 80 mijë ndjekësish.
Listën e kryeson Donald Veshaj, i cili ka arritur 186.000 ndjekës që nga hyrja e tij në shtëpinë e “Big Brother”.
