Edhe pse kishte premtuar transparencë maksimale në ‘Air Albania’ ka kaos total sa i përket numrit të delegatëve të pranishëm, nëse ka apo kuorum.
Kjo për shkak se Berisha ka hapur dyert e Kuvendit edhe për rreth 10 mijë militantë, të cilët jo vetëm që e kanë shndërruar takimin në një miting me thirrje të tilla “O Sali o hero gjithë Shqipëria ty të do’, por edhe votojnë, siç bënë me ngritjen e Komisionit Drejtues.
Lidhur me këto zhvillime, avokati i njohur Spartak Ngjela shkruan se askush nuk i identifikon dot të ashtuquajturit delegatë.
Lexo edhe:
ANALIZA E PLOTË E NGJELËS
Koncert sekret i Saliut.
Kështu e filloi ky birbo karrierën dhe siç duket kështu do ta mbyllë: një njeri fals dhe një parti me veprime në falsitet.
Askush nuk mund të flasë apo të shohë anëtarët e Kuvendit Kombëtar të Partisë Demokratike që janë mbledhur sot.
Është një turp Kombëtar. Falsiteti i Berishës, i ngritur në një sistem falso.
Askush nuk i identifikon dot të ashtuquajturit delegatë. Dhe të gjithë me një konfirmim fals.
Kongres sekret për anëtarësinë e tij.
Pse? Sepse nuk kanë numrin dhe aktin ligjor të mbledhjes si kongres.
Se nuk e kanë numrin e anëtarëve të Kuvendit, prandaj. Dhe e kanë mbledhur jashtë kërkesave të statutit të Partisë Demokratike.
Ky nuk është Kuvendi Kombëtar i Partisë Demokratike.
Si do të trajtohet ky investim politik në falsitet?
Të shohim.
Nëse gazetarët nuk kanë të drejtë të pyesin apo të identifikojnë anëtarët e Kuvendit Kombëtar; kuptohet që ky është një aktivitet falso dhe joligjor. Nuk ka Kuvend Kombëtar.
Por, pikërisht këtu del kjo pyetje:
Po vendimin e gjykatës për lidërshipin e ri që do nxjerrë ky Kongresi, si do ta marrin këta, me falsitetin e tyre?!
Deri tani vendimi i gjykatës është dhënë për kryetarin Lulëzim Basha. Kurse, çdo kryetar i ri duhet të njihet nga gjykata, bashkë me lidërshipin e partisë; në të kundërt është i paligjshëm.
E di Saliu që duhet t’i drejtohet gjykatës për ndërrimin e lidershipit?
Kurse gjykata kërkon legjitimitet. Pse; broçkullat që u hodhën sot, janë legjitimiteti?!!
E di Saliu këtë?
Jo vetëm që nuk e di, por as e kupton dhe as nuk e pranon.
Atëherë?
Janë lodhur kot. Ku ka gjykatës që legjitimon një kongres të paligjshëm të një partie! Gjykatës i duhet të provojë legjitimitetin e Kongresit, sipas statutit të Partisë. Ku është ky legjitimitet? Asgjëkund. Atëherë, këta të mjerë po lodhen kot.
Po me forcë, a mund ta zgjidhin këta këtë çështje?
Asgjë nuk bëjnë dot; me forcë, të ushtruar për një çështje joligjore, po funksionoi Prokuroria e Posaçme, duhet të ketë arrestime.
Të shohim se si do të shkojë ky kongres i falsifikuar.
