Mediat greke kanë zbuluar detaje të reja në lidhje me Babis, pilotin grek që vrau bashkëshorten e tij dhe u shtir për më shumë se 1 muaj që ishte një grabitje e dhunshme.
Piloti grek i cili vrau bashkëshorten e tij Caroline, pas një misteri që zgjati rreth 1 muaj, është i lidhur me një tjetër vdekje misterioze, atë të një shefi restoranti.
Policët po hetojnë një lidhje të mundshme midis Babis dhe “bashkëpunëtorit të ngushtë” Stavros Dogiakis, 53 vjeç, i gjetur i vdekur javën e kaluar.
Ata fillimisht besuan se vdekja e tij ishte vetëvrasje, por miqtë po pyesin se si është e mundur kur ai kishte plagë me armë në kokë dhe gjoks.
LEXO EDHE:
Dogiakis ishte një fqinj i çiftit në Athinë dhe ata ishin klientë në rrjetin e tij të restoranteve. Policia është përqëndruar në mënyrën se si Babis arriti të paguante pushimet ekzotike, hotelet luksoze dhe motorët me një pagë 3,000 euro në muaj. Telefonat e të dy burrave janë duke u ekzaminuar.
Babis, 33 vjeç, pretendoi në fillim se një bandë e maskuar u fut më 11 maj në shtëpinë e tyre dhe vrau gruan e tij dhe qenin. Por ai më vonë rrëfeu dhe po pret dënimin në burgun Korydallos pranë Athinës.
