Partia Demokratike e udhëhequr nga Lulzim Basha u futën në këto zgjedhje nën siglën e një koalicioni parazgjedhor, i quajtur “Partia Demokratike – Aleanca për Ndryshim”, bashkë me aleatët e historikë.
Presioni i tyre ndaj Lulzim Bashës ishte tepër i madh, aq sa kreu i PD u detyrua t’i dorëzonte listat e kandidatëve për deputetë vetëm pak minuta para se të përfundonte afati zyrtar. Por ky presion dhe deklaratat se aleatët do t’i “mbushnin kutitë” Lulzim Bashës, dështoi dhe nuk u përkthye në vota.
Newsbomb.al sjell rezultatet e secilit kandidat të Lulzim Bashës, të cilët kandiduan në qarkun e Tiranës dhe përveç vetes nuk kanë nxjerr asnjë mandat tjetër. Madje, Nard Ndoka i renditur në listën e Shkodrës nuk arriti të fitonte as mandatin e tij.
Rezultatet:
1- Fatmir Mediu (i renditur në vendin e 7 në listë) – 6.565 vota
2- Shpëtim Idrizi (i renditur në vendin e 9 në listë) – 7.440 vota
3- Vangjel Dule (i renditur në vendin e 11 në listë) – 848 vota
4- Mesila Doda (e renditur në vendin e 12 në listë) – 2.357 vota
5- Dashamir Shehi (i renditur në vendin e 13 në listë) – 5.426 vota
6- Agron Duka (në vendin e 2 në listë, në Durrës) – 4.731 vota
7- Nard Ndoka (në vendin e 8 në listë, në Shkodër- humb mandatin) – 228 vota
