Partia Fryma e Re Demokratike ka reaguar pas publikimit dje në media të skandalit të nënkryetarit të kësaj force politike, Ilir Hodaj i cili ngacmonte seksualisht një qytetare në zyrë dhe i premtonte vend pune.
Emisioni investigativ “Stop” publikoi dje videon ku dukej qartë sesi Ilir Hodaj ngacmonte qytetaren në zyrën e tij në FRD, si dhe i kërkonte që të bëhej e dashura e tij pasi pas zgjedhjeve do ta bënte drejtoreshë. Për këtë, ka reaguar dhe FRD e cila thotë se Hodaj është teknik i gjeneratorit.
“Duke falenderuar emisionin “Stop” bëj me dije se, ky person është vetëofruar si vullnetar pranë zyrave të FRD-së në kohën e fushatës dhe aktualisht kujdeset vetëm për gjeneratorin meqenëse nuk kemi drita. Njerëz të tillë, mund të jenë infiltruar për të prodhuar skema skandalesh që, në rastin konkret, nuk kanë asnjë? kontribut dhe përfshirje të mëparshme në strukturat e partisë?, Fryma e Re Demokratike.
Lexo edhe:
FRD është e hapur për të gjithë? mediat dhe opinion publik që të verifikojnë? listat e anëtarësisë, dhe aq më tepër të strukturave të FRD të degës Tiranë. Fryma e Re Demokratike është e hapur për çdo hetim të strukturave ligjzbatuese. Fryma e Re Demokratike do të vazhdojë me dinjitet fushatën, pa asnjë? kompromis me votën e lirë, në koalicionin Aleanca për Ndryshim, dhe askush nuk mund të cënojë apo të përbaltë këtë betejë të ndershme me elektoratin në mbarë vendin”, thuhet në reagimin e FRD.
