Vaksina, si dhe disa masa kufizuese, janë armët e vetme që kemi në luftën ndaj covid. Që prej nisjes së procesit të vaksinimit, e deri në ditët e para të prillit, në 165 vende të ndryshme të botës janë aplikuar më shumë se 860 milionë doza vaksinë, megjithatë procesi nuk është i njëjtë kudo.
SHBA dhe Kina kanë administruar numrin më të lartë të dozave me respektivisht 198 milionë dhe 183 milionë. India renditet e treta me 117 milionë doza. E ndërsa pothuajse e gjithë Europa dhe vendet e Amerikës kanë nisur vaksinimin, disa vende në Afrikë ende nuk e kanë pasur fatin.
Cila është vaksina më e përdorur
Vaksina e parë që u miratua nga Organizata Botërore e Shëndetit u prodhua nga Pfizer dhe BioNTech, që u ndoq më pas nga disa të tjera.
Në momentet që flasim vaksina AstraZeneca e prodhuar nga universiteti i Osfordit është aplikuar në 118 shtete, e ndjekur nga Pfizer në 81 shtet, Moderna 36 shtete dhe Sputnik V në 25 shtete.
