Kamerat e sigurisë kanë zbuluar lëvizjet e fundit të dy autorëve që ekzekutuan gazetarin grek, George Karaivaz.
Pamjet e siguruara nga mediat greke kanë rënë në duart e policisë, të cilët po hetojnë çështjen dhe kërkojnë prova për të identifikuar autorët. Në fotografi duket shoferi i motorit “Beverly”, i veshur me të zeza, teksa në kokë mban një kaskë të bardhë.
Ndërsa pasagjeri dhe ekzekutuesi i dyshuar i gazetarit ka një maskë të zezë, është i veshur me pantallona blu të errëta dhe bluze gri.
Lexo edhe:
Ndërkohë, avokati i gazetarit pritet të dëshmojë në mënyrë që të tregojë çdo incident ose raport që mund të hedhë dritë mbi çështjen.
Sipas informacioneve që kanë autoritetet deri tani, pasi qëlluan për vdekje gazetarin, autorët u larguan në një pikë të panjohur, braktisën motorin dhe hipën në një automjet me të cilin u arratisën dhe zhdukën gjurmët.
Policia po shqyrton makinën e George Karaivaz për të zbuluar nëse është instaluar një gjurmues GPS me të cilin autorët kanë monitoruar viktimën e tyre.
Sende të tjera personale që i përkasin George Karaivaz, të tilla si laptopi dhe telefoni i tij celular janë marrë nga policia për të hetuar në detaje se nëse gjejnë ndonjë lidhje me autorët.
