Doktor Kristo Papa është një mjek me një eksperiencë 15-vjeçare në fushën e kardio-kirurgjisë në spitalet më të mira të Londrës. Së fundmi, ai ka shprehur iniciativën që këtë eksperiencë ta sjellë në Shqipëri, duke shpallur kandidaturën për deputet në platformën “Deputeti që duam”, në siglën e Partisë Socialiste. Ai thotë se dëshiron që të bashkëpunojë me ekipet profesionale për të ofruar maksimumin sa i përket pacientëve shqiptarë.
“Unë jam dr. Kristo Papa. Jam kardiokirurg këtu në Londër. Punoj në një nga spitalet më të mira, sa i përket kardiokirurgjisë me një eksperiencë gati 15-vjeçare. Kam studiuar në Universitetet më të mira të botës. Arsyeja pse kam aplikuar në platformën “Deputeti që duam”është se përputhet me atë që janë vlerat dhe përkushtimi im për të ofruar një kujdes shëndetësor të avancuar. Kjo platformë ofron një mundësi sa i përket pacientit që të jetë në qendër të vëmendjes të shëndetësisë publike shqiptare. Ajo që më dallon mua nga kandidatët e tjerë është eksperienca e gjatë sa i përket menaxhimit të rasteve komplekse. Jam shumë i aftë të bashkëpunoj me ekipet profesionale për të ofruar maksimumin sa i përket pacientit. Dua që kjo eksperiencë të ofrohet në Shqipëri për të gjithë pacientët shqiptarë”, thotë Kristo Papa.
View this post on Instagram
Lexo edhe:
Gazetarja e politikës, Esiona Konomi në një intervistë për Vip Magazine, thotë se Papa është i vetmi kandidat që ka spikatur deri tani nga kjo platformë, duke pasur parasysh paradoksin në një kohë kur mjekët profesionistë largohen nga Shqipëria, një tjetër mjek dëshiron të lërë Londrën për t’u bërë deputet në Shqipëri.
“I vetmi që më ka lënë një përshtypje është një mjek që punonte në Londër dhe ka shprehur dëshirën për të qenë kandidat i Partisë Socialiste. Nga profili dukej njeri i suksesshëm në mjekësi. Ndërkohë që në Shqipëri mjekët po ikin, një tjetër mjek dëshiron të lërë Londrën për t’u bërë në Shqipëri, jo mjek por deputet. Në këtë aspect duhet të shohim deri në fund ku shkon”, shprehet gazetarja Konomi.
Ajo që nuk dinit për mjekun Papa, është se lidhja me mjekësinë është kthyer në një traditë në familjen e tyre. Ai është vëllai i mjekut të njohur specialist në Kirurgji Plastike Rikonstruktive dhe Estetike. Panajot Papa ka hapur në Tiranë klinikën “Diva” ku ofron për pacientët shërbime profesionale me pajisjet më të mira në këtë fushë.
